Skuadra e Torinos po përgatitet për ndeshjen e fundit të sezonit, ndërsa drejtuesit e klubit, duke nisur nga drejtori sportive, Gianluca Petrachi, kanë nisur të bëjnë planet për ndërhyrjet e para të merkatos, para se të ndizet centrifuga që do të startojë në fund të këtij muaji. Ekipi “granata” ka nisur tratativat pikërisht nga përzgjedhja e trajnerit që do të drejtojë ekipin sezonin e ardhshëm, me Venturan për momentin favorit për këtë post me dy vitet kontratë, ndonëse situata mbetet fleksibël, në varësi të zgjedhjes së trajnerit të përfaqësueses së Italisë.
Pikërisht Ventura i Torinos mbetet njëri prej kandidatëve për pankinën “azzurre” si zëvendësues i Antonio Conte. Padelli mund të largohet nga Torino në muajin korrik, Berisha kandidati kryesor për zëvendësimin e tij. Pas tre sezonesh te skuadra e Torinos, që i kanë mundësuar të konfirmohet si një portier titullar në Seria A, madje të jetoj edhe ëndrrën e kombëtares italiane, gardiani Daniele Padelli, është gati për grumbullimin e radhës si portier i tretë i Italisë, në Europian. Por, veç kësja, Padelli, sipas të gjitha gjasave, sezonin e ardhshëm do të ndryshojë ekip.
Në këto kushte, drejtuesit “granata” kanë piketuar dy kandidatë potencialë për zëvendësimin e Padellit, që të dy të huaj: Berishën nga Lazio dhe Skorupski nga Empoli. Berisha është në kontratë me Lazion deri sezonin e ardhshëm, por synon një ekip ku të aktivizohet më shumë. I pari, portier shqiptar, me duart e gjata dhe relativisht i shkathët me këmbët, ka një kontratë me Lazion që është në fuqi edhe për sezonin e ardhshëm, po synon një skuadër ku të mund të aktivizohet me një frekuencë më të madhe.
Titullari i Kombëtares së Shqipërisë, Berisha pritet të përjetojë nën drejtimin e trajnerit Gianni De Biasi, eksperiencën e tij historike në Kampionatin Europian. Në këto kushte, një lëvizje në kohën e duhur mund të rezultojë si një aksion fitimprurës në aspektin strategjik dhe ekonomik. Por Berisha nuk është opsioni i vetëm i vlerësuar nga Torino. Jo më pak i pëlqyer është edhe polaku Skorupski, në pronësi të Romës, por i huazuar këtë sezon te Empoli.
