Është miratuar sot kapitulli i parë i draftit për nenin 3 nga Komisioni i Posaçëm.
Mirëpor ky nen ka hapur debate të forta pasi lidhet me dekriminalizimin ku parashikon që kandidatët e dënuar nuk u ndalohet përjetë futja në Parlament. Pas mbledhjes deputeti demokrat Eduard Halimi tha se ky është një atentat ndaj reformës në drejtësi.
Ai tha se futja e këtij neni ishte provokim dhe atentat që kërkohej ti bëhej reformës në drejtësi, duke sqaruar se personat që kanë kryer krime të rënda si trafiku i qenieve njerëzore, vrasje etj, nuk parashikonte të kishin ndalim të përhershëm, por me kohëzgjatje të caktuar.
“Ky ishte ndryshim i papranueshëm për opozitën, ndaj ne kërkuam kohë. Pas kthimit në komision ekspertët e OPDAT thanë se do tërhiqnin mendimin. Më pas vazhdoi me diskutimin e neneve të tjera që kaluan. Neni që ishte propozuar nga ekspertët 6/1 bënte nul atë nen që ishte miratuar pak muaj më parë për ndalimin përjetë të atyre personave që kanë kryer krime të rënda”, u shpreh Halimi. Ai deklaroi se kush nuk është dakord me ligjin për dekriminalizimin, duhet ti drejtohet Gjykatës Kushtetuese, por nënvizoi se ligji dhe paketa nuk preket.
