Pas shtyrjes së takimeve të ambasadorëve Donald Lu e Romana Vlahutin me grupet parlamentare të PS, PD dhe LSI është rënë dakord me tre partitë kryesore politike që t’i zhvillojnë nesër takimet e tyre.
Takimet ishin parashikuar për të premten, por ato u shtynë pas një tërheqje të grupit të PS. Burime të lapsi.al bënë të ditur se ishte kryeministri Edi Rama ai që kishte kërkuar të enjten që mbledhja të shtyhej. Këtë e konfirmoi edhe ish kryeministri Berisha në parlament, ndërsa Rama tha se në PS ambasadorët e SHBA e BE do të vinin vetëm për të justifikuar mbledhjen me grupin e PD që nuk pranon të votojë reformën në drejtësi. Takimet ambasadorët Lu e Vlahutin do t’i nisin në Selinë e PS. Ata do t’i drejtohen grupit parlamentar socialist në orën 13.30 ku kanë parashikuar të qëndrojnë afro 1 orë.
Në orën 15.00 ata do të jetën në Selinë e PD ku kanë parashikuar të njëjtën kohë qëndrimi sa në grupin e PS.
Në orën 17.00 ata do të jenë në grupin parlamentar të LSI.
Lajmi i pranisë së ambasadorëve në grupet parlamentare të tre partive të mëdha nuk kaloi pa debate dhe reagim në opinionin publik.
Deputeti Ben Blushi tha të enjten në parlament tha se ky është rezultat i pengimit të reformës në drejtësi nga klasa politike shqiptare. Ai e quajti praninë e ambasadorëve në këto mbledhje si tallje të ndërkombëtarëve me politikën shqiptare.
