Industria e karburantit fosil nuk është saktësish e dashur ,por ajo na ka në çark duke qenë se ne varemi nga nafta për nevojat tona energjetike. Elon Musk beson se është koha që të fillojmë me të vërtetë një luftë me industrinë e karburantit fosil kështu mund të hapim rrugën për alternativa të energjisë së pastër. Ndërkohë që fliste në World Energy Innovation Forum në Tesla Factory në Kaliforni këtë javë, Musk e përshkroi fuqinë ndikuese që kanë industritë e naftës dhe gazit mbi politikanët në Uashington dhe kryeqytetet e tjera të botës.
Në mënyrë më specifike, dukej se Musk me gjithë qejf do të hiqte subvencionet që makinat elektrike kanë tani nëse kjo do të thotë që do të futet një taksë që do të rriste kostot për automjetet që çlirojnë CO2.
“Çështja kryesore lidhur më karburantin fosil është që çdo përdorim vjen me një subvencion,” ka thënë Musk. “Çdo makinë me benzinë në rrugë ka një subvencion, dhe mënyra më e mirë për ta trajtuar atë është me një taksë karboni. Politikanët marrin rrugën e lehtë për të siguruar subvencione për makinat elektrike, të cilat nuk janë të barabarta me subvencionet e aplikuara për makinat me benzinë. Kjo dobëson fuqinë forcuese të ekonomisë për të kaluar në energji dhe transport të qëndrueshëm.
Ndërsa kjo duket këndshëm në abstrakt, taksimi i karbonit do të jetë padyshim jopopullor politikisht duke qenë se ai në mënyrë të pashmangshme do të rrisë koston për këdo që mbështetet te karburanti fosil për nevojat e tij energjetike. Kjo është zakonisht arsyeja pse, për të përdorur gjuhën e Musk-ut, politikanët përdorin “rrugën e lehtë” për të siguruar subvencione.
