Në një operacion të ushtrisë irakiane përreth qytetit Ramadi në Irak, janë arrestuar tre krerë të rrezikshëm të grupit terrorist ISIS.
Shaker Xhoudat komandanti i qendrës së policisë ditën e premte ka folur mbi këtë operacion dhe ka thënë se operacioni është kryer në formë të përbashkët nga forcat e ushtrisë dhe të policisë në perëndim të qytetit Ramadi ku përveç 3 krerëve të rrezikshëm të ISIS janë arrestuar edhe disa terroristë të tjerë të këtij grupi takfirist.
Në mesin e të arrestuarve gjendet Abu Musa Asaf përgjegjës i ISIS për blerjen e armatime dhe municioneve dhe ushqimeve për ISIS. Abdulvahab Nemravi është një terrorist tjetër i arrestuar nga ushtria irakiane i cili ka qenë përgjegjës për vendosjen e bombave nëpër qytete ndërsa Abu Mensa Hian ka qenë përgjegjës i ISIS për çështjet e brendshme të terroristëve takfiristë. Arrestimi i këtyre personave ka rëndësi të madhe për faktin se ata zotërojnë informacione të rëndësishme për ISIS.
