Një 20-vjeçare ka gjetur vdekjen sot në mëngjes, duke u hedhur nga kati i katërt i një pallati. Ngjarja, sipas policisë ka ndodhur rreth orës 07:05 në rrugën “Zef Jubani” në kryeqytet.
Burime zyrtare bëjnë të ditur se viktima është identifikuar si shtetasja me inicilae T. M., 20 vjeçe.
Ekspertë të policisë po vijojnë punën për zbardhjen e ngjarjes, pasi nuk dihen rrethanat e këtij akti të rëndë.
“Më datë 06.05.2016, rreth orës 07:05, në rrugën “Zef Jubani”, ka rënë nga kati i 4 i një pallati, shtetasja T. M., rreth 20 vjeçe, ku si pasojë ka gjetur vdekjen e menjëhershme. Policia në vendin e ngjarjes. Nga hetimet paraprake dyshohet se mund të jetë vetë hedhur. Po kryen veprimet”- thuhet në njoftimin e policisë.
