Gjashtë muaj pas dorëheqjes si ministër i Drejtësisë, Nasip Naço flet hapur dhe tregon arsyet e saj.
Naço ka deklaruar në emisonin “Debati në Channel One” se nuk kishte bashkëpunim mes institucioneve të larta të shtetit dhe i ndodhur në këto rrethana e kishte të pamundur ushtrimin e detyrës.
Por Naço i pyetur nëse kryetari i komisionit parlamentar të ligjeve Fatmir Xhafaj i kishte vënë në dispozicion draftin për reformën në drejtësi, ndërkohë që të gjitha institucioneve të tjera ua kishte vënë në dispozicion është përgjigjur negativisht.
“Mua nuk më kujtohet që Xhafaj të me këtë dhënë draftin e reformës në drejtësi dhe nuk më kujtohet gjithashtu që unë t’ia kem dorëzuar këtë draft pasardhësit tim Ylli Manjani kur dorëzova detyrën”, tha Naço.
Ndonëse jo me artikulim të qartë, Naço konfirmon atë që ish-kryeministri Berisha deklaroi për dorëheqjen e tij, se Naço ishte mënjanuar nga reforma në drejtësi duke u zëvendësuar me Xhafajn, prandaj dha dorëheqjen.
Ndërkohë Nasip Naço bëri edhe një analizë të situatës politike duke thënë se në zgjedhjet e vitit 2017 LSI synon vendin e parë.
