“Një orë e më parë jo ta pezullojmë, por ta shkarkojmë këtë gjyqtar, si akt që cenon rendë autoritetin tuaj”, tha ministry Ylli Manjani gjatë analizës vjetore të Gjykatës Administrative.
Arrestimin e gjyqtarit Ibrahim Hoxha që u arrestua me akuzën e rushfetit prej 6 milion lekësh për një çështje ministri i Drejtësisë, e ka komentuar si një ngjarje të rëndë.
“Është radha e kolegëve tuaj që të distancohen në emrin e vet dhe emrin tuaj nga kjo ngjarje tepër e rëndë. Nxis çdo qytetar të republikës që të mos denoncojë vend e pa vend, por në zyrën e Prokurorit që raste të tilla të jenë sa më të suksesshëm që të jetë e mundur”, theksoi ministri i Drejtësisë.
Manjani kërkoi shkarkimin të menjëhershëm të këtij gjyqtari.
Manjani gjithashtu kërkoi nga ana e qytetarëve që të bëjnë çdo denoncim për korrupsion në zyrën e Prokurorit.
Manjani gjithashtu kërkoi që të ketë një reagim publik të fenomenin e korrupsionit në gjykata, duke u shprehur se, “shqiptarët sot duan reagim, jo më llafe”. “Është një ngjarje që ndodh për ditë. Po na kthehet sindorma e faturinove të dikurshme që partia nuk i rriste rrogën, ashtu si sindorma e doganierit. Duhet ta ndryshojmë këtë kulturë me një reagim proporcional publik”, përfundoi ministri. Ibrahim Hoxha u arrestua mbrëmjen e së hënës bashkë me djalin e tij në kushtet e flagrancës pasi ishin duke marrë 6 milionë lekë për një çështje pronësie që anëtari i Gjykatës së Tiranës kishte në dorë.
