Nëse macja juaj nuk ju urren mjaftueshëm, pse të mos lidhësh një pajisje rreth qafës së saj dhe t’i japësh më shumë arsye që ajo të shikojë formën tuaj njerëzore me më shumë përbuzje.
Ky ishte i vetmi përfundim maceje që mund të kishim pasi pamë videon komerciale në YouTube për një pajisje të quajtur Catterbox, një jakë për mace e cila supozohet se kthen mjaullimat dhe gërhimat e maces në zë njerëzor. Sigurisht, pajisja nuk po shitet si një përkthyes real i mjaullimave të maces në fjalë njerëzore, përkundrazi, pajisja lëshon shprehje njerëzore të para-regjistruara kur macja bën një tingull.
“Ne kemi analizuar tingujt e maceve dhe kemi krijuar një program që zbulon mjaullimat e një mace dhe i përputh ato me një zë njerëzor”, shkruan përshkrimi i produktit në faqen e internetit të kompanisë. “Ne më pas kemi vendosur këtë teknologji brenda një jake të printuar 3D e cila është e lidhur me aplikacionin tonë ku ju mund të zgjidhni zërin e ri të maces tuaj.”
Ok, disi qesharake. Disi e lezetshme. Nëse mendoni me të vërtetë të lidhni një jakë të printuar 3D rreth qafës së maces tuaj. Imagjinoni, nëse ju do ishit një mace që mjaullinë dhe tani duhet të dëgjoni një zë të lartë njerëzor, që shpon veshët tuaj leshator, i cili del nga një altoparlant përreth qafës tuaj sa herë që ju lëshoni një mjaullimë të vogël.
