Bëhet fjalë për 31-vjeçarin U.S., i cili mbrëmjen e 22 janarit 2015, teksa udhëtonte me automjetin e tij, nuk iu bind urdhrit të polisë së Corigliano-s për të ndaluar.
Pas një ndjekje të gjatë, shkruajnë mediet lokale, automjeti që drejtonte shqiptari doli nga rruga dhe përfundoi në një kanal.
Shqiptari arriti që të dilte prej makinës dhe të arratisej, ndërsa pasagjeri mbeti i vdekur në vend.
Mediet italiane shkruajnë se viktima ishte një shtetas i huaj, pa dhënë ndonjë detaj më shumë rreth identitetit të tij.
Në makinë, policët gjetën një pushkë gjahu, që ishte vjedhur disa muaj më parë dhe disa tela bakri.
Shqiptari u arrestua më pas dhe ndaj tij u vendos masa e sigurisë arrest në shtëpi, por U.S. u largua nga banesa më 17 nëntor, duke shkelur masën, dhe kështu u shpall në kërkim.
31-vjeçari u arrestua vetëm pasditen e sotme.
Ndaj tij rëndojnë akuzat për: vrasje nga pakujdesia, mosbindje të urdhrit të autoriteteve dhe pranimin e mallrave të vjedhur.
