Një gardian i burgut të Drenovës është arrestuar nga policia me akuzën për dhunë në familje.
Zyrtarisht bëhet e ditur se është arrestuar në flagrancë shtetasi Mirjan Korça, 41 vjeç, banues në Pogradec (me detyrë punonjës Policie në I.E.V.P-Drenovë)
Arrestimi i tij u bë pasi, dyshohet se ky shtetas dje në banesën e tij, pas një konflikti për motive të dobëta, ka ushtruar dhunë fizike ndaj bashkëshortes së tij, shtetases A.K, 39 vjeç.
Materialet i kaluan Prokurorisë të Rrethit Gjyqësor Pogradec, për veprën penale: “Dhuna në familje”.
