UEFA do ta pranojë Kosovën si anëtare të re, në Kongresin e ardhshëm në Budapest, shkruajnë mediat serbe.
E përditshmja “Politika” shkruan se drejtuesit e UEFA-s do të bëjnë shkelje të statusit vetëm që të anëtarësojnë Kosovën.
Statuti i UEFA-s parasheh që një anëtar i ri duhet të jetë shtet, pavarësinë e së cilës e kanë pranuar edhe OKB. Por, në arsyetimin e ri thuhet se anëtarësimi do të bëhet nëse “Shumica e shteteve ndërkombëtare e kanë pranuar Kosovën”.
Kongresi i 3 majit ka shtuar në rend dite pranimin e Kosovës. Burime të “Politikës”, thonë se me këtë rast UEFA do të bëjë një shkelje të madhe të statutit dhe gabime të ndryshme procedurale.
Madje, ata e komentojnë vendimin si pasojë e “ndikimit politik”. Kosova synon të bëhet anëtarja e 55-të e UEFA-së.
