E dini se stili i jetës reflektohet edhe në tryezë? Nese dita juaj është një nxitim i madh, po aq shpejt jeni të prirur të trajtoni edhe kohën e vaktit të ngrënies.
Ky është një zakon shumë i keq që mund të ndikojë në stomak dhe të rrisë tendencën për të ngrënë më shumë. Ndaj mësoni për të rifituar qetësinë tuaj.
1. Shpërqëndrim vs Vëmendje- Kur uleni në tryezën, TV-ja është i ndezur? Zakon shumë i keq, sidomos nëse ka fëmijë në shtëpi. Sepse duke parë televizion ne priremi për të ngrënë më shumë, rreth dy herë. Ushqimin e kalojmë poshtë në mënyrë të shpërqëndruar dhe nuk kemi sensin e ngopjes. Rezultati është se ju vazhdoni të hani duke përvetësuar deri në 50% kalori më shumë.
2. Përqëndrohuni- Sipas disiplinës zen, të ngrënit është një akt themelor i cili kërkon të gjithë praninë tonë. “Mindfulness”, një teknikë që shkon përtej të menduarit, fokusohet në trajnimin e mbështetur në bindjen se për shekuj me radhë ka qenë konsideruar si një burim i aftë të dallojë qëndrimin tonë në jetë. Kur ju të jeni të kujdesshëm në atë që bëni ju, rezultati do të jetë që të gëzoni plotësinë e momentit të vaktit të ngrënies.
3. STOP- Jeni gati për të filluar të hani? Ndaloni. Merrini erë ushqimit: Të nuhaturit përcjell emocione. Përveç kësaj, kjo ju mundëson për të shijuar momentin e vaktit, duke e transformuar atë në një ritual të vogël. Tani shihni pjatën para jush. Uria nuk është zbutur vetëm fizikisht, por ka një aspekt të rëndësishëm emocional. Fokusohuni tek ngjyrat dhe përbërësit.
4. Përfitimet- Sipas një studimi korean të ngrënit shumë shpejt mund të rrisë rrezikun e sëmundjeve kardiometabolike. Ngrënia e shpejtë, në fakt, duket se lidhet me një rritje në nivelet e glukozës në gjak. Në të kundërt zakoni i të ngrënit ngadalë mund të zvogëlojë sëmundjet kardiovaskulare, ndihmon në rregullimin e kolesterolit dhe mund të jetë një avantazh për njerëzit që janë në dietë.
5. Mësoni të përtypni ushqimin- Trupit i duhet rreth njëzet minuta për të ndjerë ngopjen. Përtypeni ushqimin ngadalë, duke e shijuar dhe … kafshojeni të paktën deri në pesëmbëdhjetë herë!
6. Thikë dhe pirun, ose… – Mos harroni se tretja fillon në gojë. Keni tendencë të hani vetëm në njërën anë? E ndoshta këtë e bëni se keni humbur një dhëmb? Është e rëndësishme që të përpiqeni të përdorni të dy anët e gojës, sepse në këtë mënyrë ushqimi përtypet në mënyrë të përshtatshme.
Burimi: TgCom24
