Dyshoni se partneri juaj nuk humb mundësi për të ju gënjyer? Për të kuptuar nëse partneri është gënjeshtar, atëherë mund të jetë e dobishme që të shihni disa nga sjelljet tipike të një gënjeshtari.
Një studim i fundit tregoi se duhet më pak se një sekond për të kuptuar një mashkull që gënjen, megjithatë, shpesh ne priremi të bëjmë një sy qorr për qëndrimet e tij, sepse jemi shumë të dashuruara.
Ja pra shenjat që demaskojnë një gënjeshtar:
1. Bie në kundërshtim me vetveten. Të gënjesh duket e lehtë, por që të mos zbulohesh duhet një kujtesë e fortë, përndryshe do të përballeni me rrezikun për të thënë versione të ndryshme për të njëjtën gjë. Mendoni këtë: Partneri shumë shpesh është kontradiktor në ato që thotë, ndoshta është mësuar të gënjejë.
2. Është i pakapshëm dhe ka tendencë për të fshehur disa aspekte të jetës së tij. Nëse vini re se shpesh e fik telefonin, në fundjavë del me miqtë pa thënë se ku shkon apo nuk ju telefonon për ditë të tëra, në mënyrë të qartë është duke fshehur diçka. Por, kini kujdes: Edhe ata që thonë se të dashurojnë që në takimin e dytë mund të jenë gënjeshtarë.
3. Shfaqet agresiv. Shpesh ata që kanë frikë se demaskohen kanë reagime shumë agresive kur të përballen me pyetje të pakëndshme. Në qoftë se përveç të qenit i paqartë, vini re se ai irritohet kur ju përpiqeni për të hetuar më shumë në lidhje me disa aspekte të kohës së tij, kini kujdes.
4. Është i dyshimtë. Paradoksalisht, ata që kanë një tendencë për të treguar gënjeshtra besojnë se njerëzit afër tij bëjnë të njëjtën gjë. Ndaj edhe ai ka shumë dyshime për ju.
5. Vini re nëse i thote gënjeshtra të tjerëve. Njerëzit nuk i përdorin gënjeshtrat vetëm me partnerët, por edhe me të afërmit, miqtë apo kolegët. Nëse vini re se ai gënjen shumë shpesh në jetën e tij të përditshme me të tjerët, është rasti për të reflektuar.
