Palestinezja 12-vjeçare Dima al-Wawi u lirua sot nga burgu izraelit, pasi u mbajt për më shumë se dy muaj në burg për tentim të sulmi me thikë.
Wawi iu dorëzua autoriteteve palestineze në pikën kufitare Tulkarem ku u prit nga familja e saj.
Ajo u arrestua e veshur në uniformën e saj të shkollës, më 9 shkurt, në një vendbanim hebraik në West Bankun e pushtuar, sepse mbante një thikë.
Sulmet e ndryshme palestineze me thikë, armë apo makinë vranë 28 izraelitë në tetorin e kaluar.
Pas një marrëveshje për pranimin e fajit me prokurorët ushtarake të Izraelit, Wawi u deklarua fajtore për tentim vrasje dhe posedim të një thike dhe u dënua me katër muaj burg dhe gjashtë javë dënim me kusht.
“Ajo është vajza më e re palestineze e burgosur ndonjëherë”, tha avokati i saj Tariq Barghouth në Facebook.
Barghouth tha se ekipi mbrojtës i Wawi kishte kërkuar nga gjykata ushtarake lirimin e saj të hershëm dhe kërkesa u pranua.
Sipas ligjit ushtarak të Izraelit, të miturit nga mosha 12 vjec mund të burgosen.
Izraeli aktualisht mban të burgosur rreth 450 të mitur palestinez, rreth 100 prej të cilëve janë nën moshën 16-vjeçare.
