Çfarë do të bëjë Mats Hummels? Kjo është pyetja e madhe, e cila po i shqetëson shumë tifozët e Borussia Dortmund. Kampioni i botës ka edhe një vit të mbetur në kontratën e tij. Do të arkëtojë Borussia një shumë të majme, apo do të rinovojë mbrojtësi? “Për mua është një vendim shumë i vështirë. Kur ta kem marrë vendimin përfundimtar, atëherë do ta marrin vesh të gjithë pse ishte një vendim kaq i vështirë.”
Shefi i BVB Hans-Joachim Watzke, ul pak gjakrat: “Ne kemi gjetur gjithmonë një zgjidhje. Nuk ka rëndësi si vendos lojtari. Ne kemi vërtetuar gjatë këtyre pesë viteve të fundit që mund të zëvendësojmë këdo.” Por më pas thotë fjalinë që mezi po prisnin tifozët e Dortmund: “Por ne do të provojmë me të gjitha forcat për ta mbajtur në ekip.” Kampioni i botës ka edhe një vit të mbetur në kontratën e tij
Skenari më i keq do të ishte si ai i Gotze-s në vitin 2013 dhe Lewandowski-t në 2014. Drejtori portiv Michael Zorc shprehet në prag të ndeshjes me Stuttgart: “Ne po vazhdojmë dialogun me Mats. Nuk duam të flasim më shumë për këtë temë, sepse akoma nuk ka një vendim përfundimtar.” Tifozët e Dortmund duhet të presin akoma për përgjigjen finale të qendërmbrojtësit.
