Presidenti maqedonas ka vendosur të falë 56 politikanë që janë nën hetim nga Prokuroria Speciale dhe Gjykata.
Ky vendim duket se ka shqetësuar tepër Shtetet e Bashkuara të Amerikës dhe i kanë kërkuar Gjorgje Ivanov të tërheqë vendimin dhe të hetohen politikanët.
Elizabeth Trudeau, Drejtoresha e Zyrës për shtyp pranë Departamentit amerikan, tha për Zërin e Amerikës se SHBA-të dhe BE-ja kanë shprehur qëndrimin e tyre për rëndësinë e zgjedhjeve të besueshme në Maqedoni.
“Koha është e shkurtër dhe ka mbetur shumë për t’u bërë. Ne fuqishëm kërkojmë nga Presidentit Ivanov, që të anulojë vendimin e tij dhe t’i lejojë Prokurorisë Speciale dhe Gjykatave që të kryejnë punën e tyre”, citohet të ketë thonë Trudaeu.
Ndërkohë, pas anulimit të takimit të Vjenës, mediat botërore shkruajnë se Bashkimi Europian po shqyrton mundësinë e vendosjes së sanksioneve ndaj disa politikanëve maqedonas.
Siç raportojnë mediat e huaja, ministrat e Jashtëm të BE-së në takimin e fundit, kanë diskutuar për përfshirjen e disa funksionarëve të lartë maqedonas në listën e zezë të zonës Shengen. Megjithatë, një vendim i tillë ende nuk është miratuar.
Bold News
