Projekti i stadiumit “Arena Kombëtare”, i cili u prezantua dje nga kryeministri Edi Rama dhe që do ndërtohet aty ku ndodhet aktualisht “Qemal Stafa”, ka nxitur reagime dhe ironi në rrjete sociale, duke iu referuar edhe kullës së programuar për qendër biznesi.
Një prej faqene, Nisma “Thurje” publikon një foto ironizuese me mbishkrimin “E gjitha me koncesion për “interesin” tonë më të mirë”.
“Per ata qe nuk kuptojne se cfare po ndodh. Stadiumi i parashikuar te ndertohet aty ku eshte i vjetri nuk do te ndertohet falas. Ai po jepet me koncesion. Investitori pervec parave te biletave per nje sasi te percaktuar kohore, do te perfitoje edhe nje siperfaqe ndertimi (me te shtrenjten ne Shqiperi) ne qender te Tiranes te cilen do ta perdore si qender tregtare dhe ambjente sherbimesh. Diten qe investimi mbaron, vetem kulla do te vleje te pakten dy here me shume se sa investimi qe po behet per stadiumin. Te gjithe kete do e paguajme se bashku me biletat e ndeshjeve, te cilat do te shkojne per te mbushur xhepat e investitorit, pervec parave te qirave te dyqaneve dhe atyre qe do te perfitohen nga shitja e mallrave, zyrave etj ne qendren tregtare. Ne kete pike ky nuk eshte me nje projekt stadiumi. Eshte projekt i nje qendre tregtare, te ngritur ne prone publike dhe te financuar nga ne ne afatgjate. Kjo na shqeteson”, thuhet në komentin e Nismes Thurje.
