Në fund të sezonit do të kalohet në një strukturë të re te Trabzonspori, ndërsa kërkimi i trajnerit të ri duket se ka nisur që tani. Trajneri italian, që arriti një sukses të madh, e kualifikoi për herë të parë Shqipërinë në finalet e Kampionatit Europian, Gianni De Biasi, është një nga kandidatët. Ky sezon, duke mbetur poshtë pritshmërive, ka edhe ndikim financiar te Trabzonspori, që po kalon shumë vështirësi.
Shkrimi i prestigjiozes turke, “Fanatik”, për De Biasin Për të dalë nga kjo situatë duhet nisur nga caktimi i trajnerit. 59-vjeçari, trajneri i Shqipërisë në “Euro 2016”, që i mbylli kualifikueset në vendin e dytë, pas Portugalisë, duke shkuar direkt në Francë, De Biasi, do të kërkojë të largohet nga posti që mban, pas Kampionatit Europian.
Ai mund të jetë edhe trajneri i ekipit kombëtar italian, duke zëvendësuar Antonio Conte, që pas “Euro 2016” do të largohet drejt gjigandëve britanikë të Chelsea. De Biasi përflitet edhe në Itali, si pasues i Antonio Contes në stolin e axurrëve Gianni De Biasi është një dëshirë e madhe e Trabzonsporit, edhe nga veçoritë e tij të mëdha. Pothuajse nuk bën transferta yjesh, që do të ishin të papërballueshme për klubin turk, por krijon ekipe me sistemin 4-2-3-1, i njohur si futbolli luftarak.
