A mund të kursejmë para në kozmetikë, pa pasur nevojë të heqim dorë nga ritualet tona të bukurisë? Nëse tregohemi pak dinake, po.
Këtu gjeni disa ide të dobishme për të kursyer para në kozmetikë.
1. Kremi hidratues. Ju nuk mund të hiqni dorë prej tij. Lëkura e fytyrës, në fakt, ka nevojë për hidratimin e duhur të përditshëm. Por për të kursyer para, një alternative e zgjuar është që të zgjedhim një krem BB fondotinte, kështu që në një çmim keni edhe hidratuesin edhe fondotintën.
2. Sfungjeri i fondotintës. Nëse nuk mund të hiqni dorë nga fondotinta e preferuar, shmnagni përdorimin e sasive të tepërta të produktit dhe një ide e mençur është që të përdorni një sfungjer të veçantë që kursen produktin.
3. Një listë e kujdesshme. Edhe pse tendencat e fundit kozmetike janë një kënaqësi e domosdoshme, duhet të përpiqeni për të kufizuar blerjet për produktet që në të vërtetë do t’i përdorni. Ngjyra fluoreshente është shumë në modë, por mund të jetë një zgjedhje e rrezikshme: A je e sigurt se me të vërtetë do ta përdorësh?
4. Kutitë e mëdha. Kremi i trupit është padyshim një ritual pa të cilin nuk mund të bëjmë. Por për të kursyer para, një zgjidhje e mirë janë kutitë e mëdha: Në momentin e blerjes do të shpenzoni më shumë, por në total do të kurseni më tepër se sa ta blini të njëjtin krem në kuti më të vogla, por më shpesh.
5. Makinyri, çfarë pasioni! Mos blini shishe pafund, por vetëm ngjyrat që jeni të sigurta që do t’i aplikoni në thonjtë tuaj. Si dhe zgjidhni shishet më vogla në mënyrë që edhe nëse ngjyra ju merzitet do keni shpenzuar më pak për ta blerë.
6. Çdo gjë në rregull. Së fundi, një tjetër strategji shumë e dobishme për të kursyer në kozmetike është të mësoni t’i mbani produktet në mënyrë të rregullt dhe me kujdes. Mbi të gjitha shmangni lënien hapur të kapakëve. DireDonna
