Gëzime Hoxha, nëna e vajzës së mitur, e cila denoncoi fqinjin e saj se ka kryer vepra të turpshme me 5 -vjeçaren dhe jo vetëm me të, ka rrëfyer të gjithë rrjedhën e ngjarjes.
Ajo akuzon Gjykaten e Dibrës, që gaboi rëndë që e liroi pedofilin.
“Fqinji im e ka mashtruar time bijë me një qese me fara dhe me gjëra të tjera që ai i kishte blerë në dyqan. E ka joshur dhe më pas e ka dërguar te bodrumi i pallatit. Në bodrum ai mbante një divan, ku ka kryer vepra të turpshme (nuk mi nxë goja t’i them) me vajzën time të mitur”.
Kështu ka deklaruar Gëzime Hoxha, banuese në lagjen “Minatori” të qytetit të Bulqizës, e cila denoncoi fqinjin e saj për abuzim me të bijën. Sipas saj, Petriti ka kryer vepra shumë të turpshme me vajzën e saj dhe jo vetëm me të. Ajo akuzon Gjykaten e Dibrës, që gaboi rëndë që e liroi pedofilin.
“Po rris tre fëmijë jetimë dhe nuk kam para për të shkuar e trokitur në dyert e gjykatave. Gjyqtarëve që lanë të lirë personin që abuzoi seksualisht me time bijë, u kam lënë Zotin”¬ ka thënë ajo, cituar sot në një shkrim nga “Gazeta Shqiptare”. Ajo ka thënë se ishin komshinjtë që e njoftuan. “Unë e pyeta vajzën në shtëpi dhe më tregoi për veprimet e Petrit Ç.t. Më pas ajo kishte frikë të dilte jashtë derës së shtëpisë. Unë menjëherë shkova dhe bëra denoncim në polici”, tha Gëzime Hoxha. “Unë nuk kapem dot me gjykatën. Vëllezërit i kam në emigracion. Të afërmit e tjerë i kam larg, ndërsa jam dhe grua pa burrë”, pohoi 33¬ vjeçarja. Ndërkaq, “GSH” kontaktoi edhe me punonjësen e shërbimit social, Flogerta Koçi, e cila u shpreh se vajza ka rrëfyer para saj dhe policisë për veprimet e turpshme të 43¬ vjeçarit.
