Po përgatitet “divorci” mes mesfushorit të ri të Manchester United dhe Federatës Belge të Futbollit. Sipas “FootMagazine” dhe shumë mediave të tjera britanike dhe belge, Adnan Januzaj dëshiron tashmë të veshë fanellën e përfaqësueses së Kosovës dhe jo më atë të kombëtares së Belgjikës.
Në vitin 2014, kur shkoi të luajë te Manchester United, futbollisti me kombësi shqiptare, Januzaj u grumbullua nga trajneri i përfaqësueses belge, Marc Wilmots për Kupën e Botës. Mediat europiane paralajmërojnë “divorcin” mes Adnan Januzaj dhe Belgjikës. Por që nga ajo kohë, gjërat janë komplikuar shumë për futbollistin e ri. Vetëm pak muaj më parë ai u grumbullua nga ekipi Shpresa i Belgjikës, por Januzaj refuzoi ftesën.
“Nuk e refuzoi Adnani ftesën, por ne”, deklaroi asaj kohe menaxheri i Januzajt, Dirk De Vries. Januzaj pritet të zyrtarizojë vendimin pas datës 3 maj, kur Kosova do të regjistrohet zyrtarisht në UEFA. Adnan Januzaj nuk do të veshë më fanellën e përfaqësueses belge, përderisa do të përfaqësojë kombëtaren e Kosovës, atdheut të prindërve të tij, që pritet të njihet dhe të regjistrohet zyrtarisht nga UEFA më datë 3 maj, në konferencën e Budapestit. Në këto kushte, fakti që Januzaj ka luajtur me Belgjikën nuk do të përbëjë asnjë problem, pasi asaj kohe, Kosova nuk ishte zyrtarisht e njohur nga Federata Europiane e Futbollit.
