Tre të rinj shqiptarë janë aksidentuar në Castelraimondo, Itali. Gjendja e tyre shëndetësore është e rëndë, megjithëse asnjë prej tyre nuk është identifikuar. Shqiptarët janë të moshës nga 20-25 vjeç. Makina e tyre “Renault Clio” doli nga rruga dhe u përplas me një një pemë.
U desh ndërhyrja e forcave zjarrfikëse që bënë të mundur nxjerrjen e të plagosurve, që kishin ngecur mes pjesëve metalike të makinës.
Ata, u transportuan drejt spitalit në Camerino. Policia ka njoftuar se “më keq paraqitet gjendja e atij që ishte në sediljen e pasme, pas atij që ishte në timonin e mjetit”. Nga hetimet e para, shkak për aksidentin dyshohet të jetë shpejtësia e lartë me të cilën udhëtnin të rinjtë shqiptarë.
