Emisioni televiziv italian “Le Iene” ka transmetuar historinë së një 6-vjeçari nga Kosova, Alvin Berisha, i cili është dërguar nga nëna e tij në Siri, për t’iu bashkuar Shtetit Islamik. Babai i tij, qe ndodhet ne Itali, po ben te pamunduren për të gjetur dhe rikthyer te birin.
Data e nisjes së fëmijës drejt zonave të luftës në Siri është 12 dhjetori i vitit 2014. Kamerat e sigurisë të aeroportit Orio al Serio të Bergamos kanë kapur vogëlushin Alvin Berisha, në shoqërimin e nënës së tij, 32-vjeçares Valbona Berisha.
Njësoj si të gjithë fëmijët që i dërgohen ISIS, edhe Alvini mund t’i jetë nënshtruar një trajnimi të vështirë dhe është përballur me situata që vetëm lufta i sjell. “Le Iene” gjatë materialit shfaq dhe babain e vogëlushit, Afrim Berishën, një shqiptar 46-vjeçar që jeton në Barzago, i cili tregon se zërin e djalit e ka dëgjuar për herë të fundit më 17 janar të vitit 2015.
Fjalët që Alvini i vogël ia ka thënë gjatë bisedave telefonike, e kanë pikëlluar 46-vjecarin: “Babi, eja më merr, se nuk po mundem më. Këtu ka bomba!”. Afrimi është i dëshpëruar dhe kërkon me çdo kusht që të gjejë djalin, i cili për herë të fundit është parë në qytetin e Al-Babit në Siri. Ai kontakton me një grup të inteligjencës turke dhe disa shtetas kosovarë që i kërkojne 250 mijë euro për të pasur sërish Alvinin afër vetes.
Afrimi udheton për në turqi ku takohet me këta persona. Shume shpejt atij i thonë se gruaja dhe djali i tij gjenden në Rusi. Por e gjitha kjo ishte një mashtrim, pasi këta persona po kërkonin të merrnin paratë dhe të zhdukeshin. Dëshpërimi e ka bërë të veten, por Afrimi është i vendosur të ribashkohet me të birin e tij, i cili nuk flet as shqip, as arabisht – vetëm italisht.
Ndërkohë, në telefonin e gruas së tij, Afrimi ka gjetur shumë fotografi të ISIS, dhe të shumë terroristëve, përfshirë dhe imazhin e Salah Abdeslam, personi që akuzohet për sulmet e Parisit. /Mapo/
