Një sherr mes disa burrave ka ndodhur pasditen e sotme pranë stadiumit Dinamo. Nuk dihen arsyet apo shkaqet që çuan në këtë sherr, por e qartë është se shënjestra ka qenë 1 person.
Sipas raportuesit të Jetaoshqef.al, ngjarja ka ndodhur në momentin kur po zhvillohej gara e hipizmit në këtë stadium.
Në stadium ka pasur një numër të konsiderueshëm njerëzish sepse zhvillohej gara e hipizmit, por mesa duket përreth kanë munguar forcat e Policisë, të cilat nuk ishin prezente as në momentin e sherrit mes këtyre burrave.
“Polici nuk ka pasur fare, prezente. U mblodhën të gjithë se njerëzit dhe fëmijët u trembën shumë”, shkruan pranë redaksisë raportuesi.
Siç duket nga pamjet e videos një grup burrash kanë futur në mes një burrë tjetër dhe e godasin pa mëshirë. E thënia, “bjeri se i bien bukur” nuk vlen këtu, pasi duket përballje e padrejtë.
