Në ndeshjen e fundit kundër Frosinones, Inter arriti të merrte një fitore në minutat e fundit me anë të Icardi-t. Ekipi i Mancini-t akoma shpresojnë të arrijnë Roma-n, duke i vjedhur kështu vendin e fundit që të çon në Champions League. Një nga faktorët kryesorë me siguri do të jetë forma e Icardi-t.
Ai ka shënuar gjashtë gola në nëntë ndeshjet e fundit. Icardi është shprehur se është i lumtur te Inter dhe nuk kërkon të largohet gjatë verës. Një tjetër duel i rëndësishëm pritet të jetë ai i Brozovic me Allan. Kroati është kthyer në një lojtar kyç për Mancini. Saktësia dhe qetësia e tij në fushë mund të jetë një armë perfekte kundër dinamiks së Allan.
Me gjashtë ndeshje të mbetura dhe gjashtë pikë diferencë nga Roma, Inter është në kërkim të dëshpëruar për pikë dhe çdo ndeshje do të jetë si një finale. Napoli mundi Verona-n pas humbjes së tyre të turpshme kundër Udinese-s. Gjatë mungesës së Higuai, Sarri ka kthyer Gabbiadini, i cili iu përgjigj duke shënuar një gol. Tifozët e Napoli-t shpresojnë që Manolo Gabbiadini të zëvendësojë Higuain edhe kundër ekipeve me emër. Golashënuesi më i mirë i Seria A është i pezulluar për sjellje të pazakontë kundër arbitrit Irrati në ndeshjen kundër Udinese-s. Napoli është gashtë pikë larg kryesuesve të Juventus-it dhe ata do të shpresojnë që të mundin Inter ditën e shtunë për të vënë Juve-n nën presion. Ata kanë fituar katër nga pesë ndeshjet e fundit.
Formacionet e mundshme
FC Inter : Handanovic; D’Ambrosio, Miranda, Murillo, Nagatomo; Brozovic, Medel, Biabiany; Palacio,Icardi, Perisic
SSC Napoli : Reina; Hysaj, Koulibaly, Albiol, Ghoulam; Allan, Hamsik, Jorginho; Insigne, Gabbiadini, Callejon.
