Digjen 4 automjete në Tiranë, policia: Zjarrvënie e qëllimshme

Katër automjete janë djegur gjatë natës. Ngjarja ka ndodhur mesnatën e 16 prillit, rreth orës 02:40 në Unazë të Re, në afërsi të hotel “Roland”. 

Si pasojë e zjarrit janë djegur plotësisht mjetet “Nissan” dhe “Opel”, në pronësi të shtetases A. A., 32 vjeçe, banuese në Tiranë, si dhe janë dëmtuar pjesërisht mjetet tip “Mercedes Benz” dhe “Skoda”, të parkuara pranë tyre.

Autori i dyshuar për këtë ngjarje është shtetasi O. M., 27 vjeç, banues në Tiranë. Shërbimet e Komisariatit të Policisë nr 6, po punojnë për shoqërimin e këtij shtetasi.

LEXO EDHE  Covid 19/ Ulet numri i të infektuarve në Maqedoninë e Veriut, ja sa ishte në 24 orët e fundit

Shtetasi O. M., ka qënë i fejuari i motrës së shtetases A. A., me të cilën ka një konflikt prej disa kohësh. Objektivi i këtij shtetasi kanë qënë shkatërrimi i automjetit të shtetases A. A., dhe të bashkëshortit të saj, dy mjetet e tjera të përfshira në dëmtim ka ardhur si pasojë e përhapjes së flakëve.

Materialet hetimore u referuan  në Prokurorinë e Rrethit Gjyqësor Tiranë, për veprën penale, “Shkatërrim i pronës me zjarr” parashikuar nga Neni 151 i Kodit Penal.



PËRGJIGJU

Please enter your comment!
Please enter your name here