Katër meshkuj dhe një grua janë arrestuar në Britani pasi dyshohen se do të kryenin sulme terroriste.
Sipas një hetimi të nisur pas sulmeve të fundit në Paris dhe Belgjik, personat të moshave 26, 40, 59, 26 vjeç dhe 29-vjeçare u vunë në pranga në orët e vona të së enjtes në Birmingam.
Sipas BBC, që citon autoritetet policore të gjithë të arrestuarit rezultojnë nga Birmingami.
Autoritetet lokale i cilësuan arrestimet si shumë domethënëse dhe nënvizuan se hetimet për këtë rast ishin kryer në bashkëpunim me shërbimet sekrete vendase dhe autoritetet belge e franceze, “për të adresuar kërcënimet e përbashkëta pas sulmeve të fundit në Europë”.
Ato deklaruan gjithashtu se, gjatë gjithë kohës individët e arrestuar nuk kanë bërë kurrë një kërcënim serioz për sigurinë publike dhe se nuk kishte informacion që të sugjeronte për planifikimin e një sulmi në Britani.
Sipas BBC, personi i arrestuar në aeroportin Gatëick sapo kishte mbërritur me një fluturim të nisur nga Afrika e Veriut. Ndërsa të tjerët u vunë në pranga nën dyshimin e nxitjes së akteve të terrorizmit.
