Një aksident tragjik ka ndodhur mëngjesin e sotëm në Shkodër. Mësohet se aksidenti ka ndodhur në rrugën e fshatit Golem në Shkodër rreth orës 5.30 të mëngjesit. Sipas policisë, një automjet tip “BMW X5” me targa AA888 MU i drejtuar nga Besmir Fikaj, ka humbur kontrollin si pasojë e shpejtësisë tepër të lartë e është përplasur fillimisht me murin e një bisnesi, e më pas është përmbysur.
Për shkak të përplasjes së fortë kanë humbur jetën në vend si drejtuesi ashtu edhe pasagjeri Dash Rexhepi rreth 22 vjeç. Mësohet se Fikaj ishte kthyer 2 ditë më parë nga Anglia. Burime të policisë bëjnë me dije se shkak i aksidentit ka qenë shpejtësia e madhe, rreth 200 km/h me të cilën lëvizte mjeti, ndërsa të dy viktimat nuk kishin vendosur as rripin e sigurimit.
