Sa herë që vinin në Kosovë, vizitat e tyre përcilleshin me deklarata urrejtje nxitëse kundër shtetit. Por, një mundësi të tillë zyrtarët e nga Serbia, nuk e patën gjatë këtyre ditëve, ku Ministri i Punëve të Jashtme në Detyrë, ua ndaloi atyre vizitën në Kosovë.
Vendimi për ndalimin e hyrjes së shefit të Shtabit të Përgjithshëm të Ushtrisë së Serbisë Ljubisha Dikoviq në Kosovë, po vlerësohet si një vendim i duhur i ndërmarr nga ana e Ministrisë së Jashtme të Republikës së Kosovës.
Po ashtu, Qeveria e Kosovës, ia ka ndaluar hyrjen drejtorit të Zyrës Serbe për Kosovën, Marko Gjuriq.
Të indinjuar me sanksionet e Qeverisë së Kosovës, zyrtarët serb, kanë filluar ta etiketojnë Kosovën, si vend terrorist.
Lidhur me këtë ka reaguar zëvendësministri i Pushtetit Lokal, Bajram Gecaj.
Sipas tij, Marko Gjuriqit i themi se ai mund të vijë në Republikën e Kosovës vetëm atëherë kur këtë e lejojnë organet e shtetit tonë të pavarur.
“Përkundër kësaj mendësie, duket se ka edhe indikacione pozitive që vijnë nga shteti fqinjë, e që sugjerojnë se ata në të vërtetë nuk po e kanë fuqinë ta anashkalojnë realitetin e ri Ballkanik. Autoritetet zyrtare serbe i kanë ndaluar kriminelit serb Sheshel të vizitoj tri shtete rajonale: Bosnjën, Maqedoninë dhe Kosovën. Ky vendimi ka dy anë indikative: një, se ky shtet de facto pranon karakterin kriminal të Sheshelit, dhe dy, që në mënyrë të heshtur njeh sovranitetin e Kosovës, duke na futur kështu në të njëjtin listë me dy shtetet tjera ballkanike”, ka nënvizuar Gecaj. /Botasot/
