Sinisa Mihajlovic tha se Cristian Brocchi është një “djalë i mbarë” dhe i uroi fat në detyrën e re të trajnerit të AC Milan. Mihajlovic u shkarkua të martën e kaluar, pasi kuqezinjtë nuk kanë fituar asnjë nga pesë ndeshjet e fundit të Serie A, çka i detyroi të heqin dorë nga tre vendet e para të renditjes dhe të mbajnë me shpirt nëpër dhëmbë vendin e gjashtë, që garanton pjesëmarrjen në Europa League në sezonin e ardhshëm.
Sinisa Mihajlovic u shkarkua nga Milan të martën në mëngjes Trajneri serb Mihajlovic u shkarkua nga presidenti Berlusconi, pavarësisht se arriti në finalen e Kupës së Italisë ku në muajin e ardhshëm do të ndeshet me Juventus. Drejtimin e AC Milan e mori Cristian Brocchi, i cili në dy sezonet e fundit ka qenë trajneri i U-19.
Ai do të drejtojë skuadrën milaneze deri në fund të sezonit kur do të merret edhe vendimi përfundimtar për stolin kuqezi. Cristiano Brocchi do të jetë trajneri i ri i Milan “Më duhet të falënderoj tifozët e Milan që kanë qenë gjithmonë të dashur me mua, pavarësisht se në fillim më shihnin si dikush që ka veshur fanellën e Inter. Gjithmonë e kam ndjerë ngrohtësinë dhe respektin e tyre, – tha Mihajlovic për “Corriere dello Sport”. – Shpresoj të Cristian të bëj një punë të mirë dhe i uroj fat të mbarë. E njoh, është një djalë dhe trajner i përgatitur. Uroj që Milan të shkojë në Europë dhe të fitojë Kupën e Italisë.”
