“Ku doni që të shkoj? Jam i lumtur që jam këtu dhe që jam kapiteni i ekipit. Sigurisht dua të fitoj, por dua ta bëj këtu siç kanë bërë të tjerë para meje”. Këto kanë qenë fjalët e Mauro Icardi, i cili nuk ka ndërmend të braktisë Milanon. Argjentinasi, në një intervistë për “Corriere della Serra”, i ka dhënë fund zërave që flasin për një largim të mundshëm në fundin e këtij sezoni.
“Çdo vit thuhet se do të largohem, është gjithmonë e njëjta histori”, ka thënë Icardi. “Klubi ka bërë një punë të madhe duke marrë lojtarë të mirë”. “Në fillim fitonim 1-0, por ishim në krye, më pas në janar kemi pësuar një rënie, por skuadra është në rritje dhe shpresoj që vitin e ardhshëm të jemi akoma më të fortë”. Icardi i është betuar për besnikëri zikaltërve, me të cilët shpreson të arrijë objektiva të rëndësishëm: “Interi kërkon gjithmonë maksimumin, të fitojë kampionatin dhe të kthehet në Champions. Dhe unë dua të fitojë këtu, sa më shpejt të jetë e mundur”.
Nga fillimi i sezoni Icardi ka realizuar 14 gola, 6 në 9 ndeshjet e fundit të kampionatit. Në Frosinone ka realizuar golin e tij numër 50-të në 100 ndeshje me fanellën zikaltër. “Aftësia ime më e mirë është nuhatja për golin. Kam shënuar gjithmonë, jam një sulmues. Këtë vit jam në kuotën e 14 golave dhe jam kushtëzuar nga dëmtimi i pësuar në fillim. Sezonin e kaluar kam shënuar 22. Me pak fjalë e di mirë ku është porta kundërshtare”. Në lidhje me marrëdhënien me Mancini-n. “Trajneri nuk e ka harruar kurrë se ka qenë një futbollist. Është një trajner që të kupton dhe nuk bërtet kurrë. Ndryshimet me Mazzari? Ai ishte një trajner më klasik dhe bërtiste shpesh”.
