Ambasadori amerikan në vendin tonë, Donald Lu, është shprehur i lumtur për vizitën mes tij Ramës dhe Obamës në shtëpinë e bardhë.
Çështje të tilla si kundërvënia ndaj ekstremizmit të dhunshëm, koalicioni kundër ISIS dhe reforma historike në drejtësi do të jenë në fokus të takimit.
Edhe pse në faqen e Shtëpisë së Bardhë nuk thuhej se Presidenti amerikan Barak Obama do takohej në Shtëpinë e Bardhë me kryeministrin Edi Rama, ai që e ka konfirmuar këtë takim është ambasadori amerikan Donald Lu, i cili në faqen në Facebook të ambasadës është shprehur u lumtur për këtë takim.
“Jam i lumtur që Presidenti Barack Obama do të takohet me Kryeministrin Edi Rama në Uashington sot. Në frymën e 25vjetorit të rivendosjes së marrëdhënieve diplomatike, dhe pas vizitës shumë të suksesshme të Sekretarit Kerry në Tiranë, kjo vizitë paraqet një tjetër mundësi për të shprehur vlerësimin për të gjithë shqiptarët për miqësinë e fortë dhe bashkëpunimin e palëkundur midis qeverive tona dhe popujve tanë në lidhje me një gamë të gjerë çështjesh të rëndësishme, të tilla si kundërvënia ndaj ekstremizmit të dhunshëm, koalicioni kundër ISIS dhe reforma historike në drejtësi.” thotë Donald Lu.
