Këshilli i Lartë i Drejtësisë është në vështirësi financiare, pasi nuk është në gjendje të paguajë një faturë prej 300 mijë lekësh të vjetra, faturë kjo që bën fjalë për shërbimin e internetit.
KLD, prej vitit 2010 ka bërë kontratë tregtare me një kompani interneti në vend, me qëllim që ajo ta furnizonte me internet në të gjitha kompjuterat e këtij institucioni.
Mirëpo, vitet kanë kaluar dhe mësohet se kjo kontratë nuk është përmbushur rregullisht nga KLD, për shkak të mospagesave.
Nisur nga kjo situatë, kompania private në 13 prill i është drejtuar me një kërkesë padi gjykatës së Tiranës, ku kërkon “Përmbushje të detyrimeve kontraktuale, që rrjedhin nga kontrata “Për dhënie akses interneti” në vlerën prej 27.240 lekë detyrimi dhe 2.724 kekë kamatë vonese, total 29.964 lekë”.
