Buzëkuqi është një pjesë thelbësore për grimin e çdo gruaje: Një mjet joshje, hijeshie dhe sensualiteti për secilen prej nesh.
Atë e zgjedhim sipas tendencave të fundit dhe veshjes sonë. Por cilat janë tendencat për këtë pranverë? Le t’i zbulojmë së bashku.
Buzëkuqët rozë janë shumë “in” këtë pranverë.
Nga ato më të zëshme në stilin e Barbie si i famshmi Candy Yum Yum i M.A.C Cosmetics, një rozë neoni që mund të shihet kilometra larg dhe të hipnotizojë palën tjetër, deri tek ato më delikatet që janë të afërt me bezhën.
Ndryshe nga buzëkuqi rozë, i kuqi ngjall pasion. Le ta theni se me lëkurë pak të nxirë ai i përshtatet pothuajse të gjitha buzëve. I errët ose i ndritshëm, i lehtë ose i errët…do të ketë gjithmonë një për të gjitha shijet. Alternativa më e sofistikuar është që të përqëndroheni tek një e kuqe të thellë si ajo e NYX Soft Matte Lip Cream në Marok.
Trendi i madh i sezonit megjithatë është buzëkuqi i nuancave kafe, i cili është kthyer në modë. Kjo ngjyrë duhet patjetër të jetë në çanten e grimit të çdo guaje.
Për të bërë përshtypje a keni menduar ndonjëherë për të ndryshuar rregullat dhe të vendosni një buzëkuq me të gjelbër menteje, si ai i Hope Mulac Cosmetics? Edhe ai është në modë këtë pranverë.
E nëse gjithë ky ylber ngjyrash ju ka turbulluar provoni një buzëkuq “nude”, sepse qëndron në majen e tendencave të kësaj pranvere, por kombinojeni me grim më të fortë në pjesën e syve.
Burimi: TgCom24
