Gjyshja e cila përloti rrjetet sociale me historinë e saj te dhimbshme ku nipi i kishte vjedhur çdo gjë, sot ka marrë jo një por disa dhurata.
Një grup vullnetarësh i kanë zëvendësuar çdo gjë të vjedhur që nga pulat, celulari dhe deri tek pensioni. Përveç këtyre, ajo ka marrë edhe ndihmë në ushqime për disa muaj.
Por sërish ndihma për të ka qenë e vështirë, kjo pasi familjarët e saj fillimisht nuk kanë lejuar hyrjen në banesë ndërkohë që nipi i akuzuar si autor i vjedhjes e mbylli në dhomë gjyshen ku u desh ndërhyrja e inspektorit të zonës që të normalizohej situata.
Nënë Hafizja tregoi se pas denoncimit kishte marrë kërcënime nga familjarët ndërkohë që nipi i saj, i cili është homoseksual dhe pak kohë më parë bëri publike prirjet e tij seksuale në Neës24, kishte arritur deri në dhunim.
Pasi gjyshja e akuzoi publikisht, ai e kishte shtyrë, duke rrezikuar që ajo të binte nga shkallët.
E moshuara, e braktisur nga të afërmit është prekur kur ka parë ndihmën e dhënë nga persona të panjohur për të dhe sensibilizimin. Donatorë kanë qenë Furra e Bukës Karabash, Jetimët e Ballkanit të cilët i kanë siguruar ushqime për disa muaj, biznesmeni Luli Morina një pension mujor dhe disa qytetarë të tjerë.
Emilian Bali është shprehur se pasi janë njohur me rastin i kanë ardhur menjëherë në ndihmë ndërkohë që do rikthehen përsëri për ta vizituar nënë Hafizen.
