Ministria e Punëve të Brendshme në Kosovë kishte dhënë urdhër për arrestimin e ultranacionalistit serb, Vojislav Sheshel në rast se ky i fundit do të hynte në territorin kosovar gjatë ditës së djeshme.
Bodlnews.al disponon fletën e arrestit të hartuar nga Policia e Kosovës.
Burime konfidenciale nga policia tregojnë se në Mitrovicë ishin vendosur dy prej njësive speciale të policisë, FIT dhe NJSO, të cilat aktivizohen vetëm në rastet kur operacionet kanë një shkallë rreziku të lartë.
Vojislav Sheshel është shpallur person ‘non-grata’ nga Minsitria e Jashtëme kosovare gjatë vitit të shkuar dhe hyrja e tij në Kosovë është e ndaluar.
Ultranacionalisti nuk mundi t’a përmbushë vizitën e parashikuar në Mitrovicë duke fajsuar qeverinë e Kosovës si dhe qeverinë ‘tradhtare’ sic e quajti ai të Serbisë.
