Dukej e pamundur kur u hodh shorti, u vështirësua pas humbjes 2-1 në “Camp Nou”, por Atletico Madrid arriti të bëj “mrekullinë” dhe të kualifikohet ndaj Barcelonës me rezultatin 2-0 në “Vicente Calderon”. Skuadra e Diego Simeone nxjerr kampionët nga veprimtaria dhe Champions mbetet e mallkuar për ato që mbrojnë trofeun, asnjë ekip nuk e ka fituar dy herë radhazi. Ashtu si para dy vitesh, Atletico eliminon ekipin “blaugrana”. Antoine Griezmann shënoi të dy golat për Barcelonën Me rezultatin e përgjithshëm 3-2, Atetico Madrid i bashkohet Bayern Munich, Manchester City dhe Real Madrid në grupin e katër skuadrave që do të vazhdojnë më tej në Champions League, duke pritur shortin që do të hidhet të premten për gjysmëfinalet.
Barcelona dhe Lionel Messi nuk lanë një përshtypje të mirë në “Vicente Calderon” dhe tani rrezikojnë titullin edhe në La Liga, ku ka tre pikë më shumë se Atletico. Luis Suarez nuk ishte në ditën e tij më të mirë Ashtu si në ndeshjen e parë në “Vicente Calderon”, Atletico Madrid e goditi Barcelonën kur mbaroi faza e studimit mes dy ekipeve. Antonie Griezmann shënoi me një goditje të saktë me kokën në shtyllën e parë, pas krosimit të marrë nga Saul Niguez. Francezi ndëshkoi mbrojtjen katalanase që e la të vetëm në zonën mike, nëntë minuta para fundit të pjesës së parë. 1-0, rezultati që vendasit e Simeone kërkonin…
Lionel Messi nuk shënon prej 5 ndeshjesh Atletico Madrid luajti më mirë gjatë gjithë pjesës së parë dhe në pesë minutat e para të pjesës së dytë, duke mos e lejuar Barcelonën të shfaqet rrezikshëm, me përjashtim të një pritje nga Oblak në tentavizën e Neymar. Barcelona e mori kontrollin e lojës kur u mbush një orë lojë, pas aktivizimit të Turan në vend të Rakitic dhe Roberto në vend të Dani Alves. Megjithatë, Griezmann mund t’i kishte ndëshkuar gjatë një kundërsulmi, por Ter Stegen u përgjigj i gatshëm. Atletico Madrid fitoi 2-0 ndaj Barcelona
Barcelona nuk gjeti hapësira ndaj “bukerit” të Atletico Madrid që në momente të caktuara mbrohej me 11 futbollistë brenda zonës së rreptësisë duke mos i dhënë as mundësinë e goditjes në portë skuadrës së Luis Enrique. Katër minuta para fundit, gjatë një kundërsulmi të Atletico Madrid, Felipe Luiz hodhi një top në zonë të cilin Iniesta e ndërpreu me dorë për të mos e lejuar të shkojë nga Griezmann. Ky i fundit mori përsipër penallti e akorduar nga italiani Rizzoli dhe e shndërroi në gol. 2-0, “Los Colchoneros” në gjysmëfinale.
