Tjetër sulm terrorist në Turqi nga militantët kurdë

Është regjistruar një tjetër shpërthim në Turqi ku dyshohet se ka qenë një sulm terrorist nga militantët kurdë.

Zyrtarët turq thonë se një automjet i paketuar me eksplozivë u përplas në një stacion të policisë në juglindje të vendit, duke lënë të lënduar disa njerëz.
Agjencia e lajmeve Anadolu tha se ‘terroristët’, që kanë lidhje me Partinë e Punëtorëve të Kurdistanit, kanë qenë bartës së sulmit me bombë gjatë ditës së djeshme, në qytetin Hani, duke lënë disa persona të lënduar, të cilët u dërguan menjëherë në spital.
Agjencia e lajmeve Reuters ka cituar disa burime të kenë thënë se një ushtar është vrarë dhe 20 të tjerë janë lënduar, si pasojë e sulmit.