Cristiano Ronaldo ka marrë mbi supe skuadrën e Real Madridit duke e dërguar në gjysmëfinale të Ligës së Kampionëve.
CR7 arriti të shënojë het-trik duke e zhvlerësuar fitoren prej 2-0 të Wolfsburgut në ndeshjen e parë.
Mbretërit e filluan ndeshjen shumë mirë duke kaluar në epërsi në minutën e 16-të me Ronaldon që shënoi nga afërsia.
Ujqërit ende pa u këndellur nga goli i parë, pësuan të dytin.
Ishte përsëri portugezi që me një goditje të bukur me kokë shënoi në portën e Diego Benaglio.
Në pjesën e parë Real Madrid kishte edhe raste tjera, por nuk arriti ta sigurojë fitoren në këtë pjesëlojë.
Në pjesën e dytë Reali ishte më i kujdesshëm, duke ruajtur më shumë rezultatin se në pjesën e parë.
Kur ndeshje po shkonte drejt vazhdimeve, Ronaldo në minutën e 77-të, me një gjuajtje të fortë nga goditja e dënimit shënoi për 3-0.
Pas golit të tretë mbretërit kishin rast të mirë edhe me Benzema e Jese, por pa arritur të ndryshojnë shifrat.
Real Madridi siguroi gjysmëfinalen së bashku me Manchester Cityn.
