Shqipëri-Kosovë, pritet të hiqen kontrollet e dyfishta kufitare

Kosova dhe Shqipëria kanë rënë dakord që t’i heqin kontrollet e dyfishta kufitare, duke propozuar një model të ri për të shmangur radhët në prag të sezonit turistik. Zëvendësministri i Punëve të Brendshme të Kosovës, Valdet Hoxha ka konfirmuar për Top Channel se, tanimë policitë kufitare nga të dyja anët e kufirit i kanë bërë rekomandimet dhe, së shpejti do të nisë zbatimi i marrëveshjes së re. “Të dyja autoritetet e policisë, duhet të jenë të vendosura në një kabinë me qëllim lehtësimin e kontrollit të qytetarëve”, sqaroi Hoxha.