Komediani gjerman tërbon Erdoganin: “Idiot profesionit, bën seks me kafshët”

Komediani gjerman Jan Boehmermann ka recituar një poemë për presidentin turk, Tayyip Erdogan ku e ka portretizuar këtë të fundit si “idiot profesionist’ dhe ka sugjeruar se ai kishte kryer akte seksuale me kafshë.

Duket se Presidenti Erdogan nuk ka mundur t`i durojë këto fjalë dhe ka ngritur një padi kundër komendianit, pas recitimit të tij në një televizion kombëtar në Gjermani.
Transmetimi i 31 marsit në televizionin publik gjerman ZDF ka ndezur një zënkë diplomatike ndërmjet Berlinit dhe Ankarasë. Më herët, qeveria turke e ka quajtur poemën të papranueshme dhe tha se komediani duhet të dënohet për ofendim të një kryetari të shtetit. Prokurorët në Mainz thanë se kanë nisur një hetim për komedianin dhe televizionin ZDF, nën dyshimet për ‘ofendim të organeve të shteteve dhe përfaqësuesve të huaj’, pas pranimit të më shumë se 20 ankesave nga njerëz të ndryshëm.