Rrëzimi i helikopterit / Pamjet e kamerës së pilotit në Gjermani

Karta e memorias e kamerës së sigurisë së pilotit nuk mund të hetohet nga grupi i prokurorëve shqiptarë. Ata kanë kërkuar asistencë gjermane për të zbardhur ngjarjen e aksidentit ajror ku humbën jetën dy pilotët.

Kjo lëvizje hetimore do të kërkohet për të zbërthyer këtë provë materiale në Gjermani, në mënyrë që të hidhet dritë mbi mjaft paqartësi

Oficerë të policisë gjyqësore ushtarake ndërkohë kanë pyetur në spital të mbijetuarin e aksidentit, Gerald Baramuça. Ai nuk ka pohuar asnjë të dhënë me interes për hetimin, pasi ka thënë se nuk mban mend asgjë.

Nga ana tjetër, oficerët kanë zbarkuar në Farkë për të sekuestruar dokumentacionin që tregon itinerarin dhe shkaqet e ngritjes së helikopterit “EC 145”.

Por ndërsa pritet zbardhja e kartës së memories që ishte në kameran e sigurisë së pilotit, të tjera fakte dalin në dritë. Në këtë zonë, rreth 300 metra larg vendit të rrëzimit të mjetit fluturues në ujë, 4 ditë pas aksidentit u gjetën pjesë të tjera që janë radari, kapakët e motorit, pjesë nga veshja e jashtme, kufjet e pilotëve.

LEXO EDHE  LSI kallëzon në SPAK 3 kryebashkiakë për shpërdorim detyre

Pjesët janë gjetur nga operatori i Top Channel i cili në përpjekje për të filmuar operacionin e nxjerrjes së helikopterit nga uji, në një zonë kënetore fotografoi e filmoi pjesët.

Këto mbetje të helikopterit kanë ngritur pyetje të tjera si: çfarë i ka çuar kaq larg vendit të rrëzimit? A kanë rënë ato të parat në tokë e më pas ka rënë helikopteri 300 metra më tej në ujë?

Burimet thonë se fakti që pjesë të helikopterit ndodhen kaq larg është: ose ato janë shkëputur që në ajër, e më pas helikopteri ka rënë; ose pas impaktit me ujin helikat mund të kenë goditur trupin dhe forca e madhe i ka flakur pjesët në një distancë të konsiderushme.<!–



PËRGJIGJU

Please enter your comment!
Please enter your name here