Edhe 10 ditë kanë ngelur nga zgjedhjet që do të bëhen në Universitetin e Mjekësisë ku do të votojnë pedagogë dhe studentë.
Ndër emrat e mjekëve që do të garojnë për dekanin e Universitetit të Mjekësisë spikasin emra të njohur të mjekësisë.
Pavjonet e shërbimeve spitalore do të kenë në krye emra të spikatur në fushat respektive, disa prej të cilëve në kërkim të një mandati të dytë.
Profesorët e Stomatologjisë duket të kenë gjetur konsensusin, duke paraqitur një kandidate për dekane e një propozim, thuajse në secilin departament. Në vend të dekanes së Fakultetit Mjekësor, Mira Rakacolli, pritet të ulet një mashkull. Në garë janë tre profesorëve: zv.dekani aktual Xheladin Draçini, ishdrejtori i Politikave Shëndetësore në Ministri, Pëllumb Pipero dhe Florian Toti, mjek endokrinolog, president i shoqatës së Diabetit në Shqipëri. Dy mjekë profesionistë përballen për dekanatin e Shkencave Mjekësore Teknike apo siç njihet, Infermierisë: Tatjana Çina, ishdrejtoreshë e Qendrës së Konservimit të Gjakut dhe zv.dekania Ilirjana Zekja, mjeke neurologe.
Departamentet
Mjekët që do të drejtojnë pavijonet kryesore në QSUT nuk janë të rinj, pasi njihen prej vitesh si mjekë apo të angazhuar në strukturat drejtuese të qendrës më të madhe spitalore në vend. Në listën përbri ata garojnë të vetëm ose janë kandidatë potencialë kundrejt emrave të tjerë për të fituar sërish. Bëhet fjalë për Anila Godon te Pediatria, Mentor Petrela te pavijoni i Neuroshkencës apo Edmond Celiku te shërbimi i Kirurgjisë. Për Obstetrikë¬gjinekologjinë do të vendosë vota e pedagogëve e studentëve që do të shkojë për Astrit Bimbashin ose Orion Gliozhenin. Të dy profesorët kanë ushtruar më herët këtë detyrë. Po ashtu, garë e fortë pritet të jetë edhe në shërbimin e ORLOkulistikës në spitalin francez, ku do të garojnë mes tyre: shefi aktual Besim Boçi dhe mjekët okulistë, Brikena Qirjazi e Pajtim Lutaj. Prof. Dr.Artan Goda tenton sërish të drejtojë pavijoni i sëmundjeve të zemrës dhe enëve të gjakut. Kundrejt tij garon edhe ish¬rektori Ali Rifatllari dhe mjeku Arben Baboçi.
