Gjëndja shëndetësore e të mbijetuarit nga rrëzimi i helikopterit, Gerald Baramuca, është stabilizuar. Sipas mjekut në spitalin rajonal të Shkodrës, Ardit Duni, ushtari Baramuca ka marrë disa fraktura në krah dhe kraharor.
Por, mësohet se jeta e tij është e sigurt dhe pa pasojë në shëndetin e tij. Ndërkohë mësohet se nga ana psikologjike ai shprehet i rënduar si pasojë e aksidentit ku gjetën vdekjen dy pjesëtarët e tjerë të ekuipazhit Florian Deliaj dhe toger Donald Hoxha.
Helikopter i Forcave të Armatosura të Shqipërisëu rrëzuar mesditën e sotme në Shkodër rreth orës 14:00. Ngjarja ndodhi në fshatin Grizhë të Malësisë së Madhe.
Njoftimi zyrtar i Ministrisë:
Sipas planit të fluturimit helikopteri EC 145, me numër bordi 637, me 3 ekuipazh në bord, kapiten Florian Deliaj, toger Donald Hoxha dhe ushtar profesionist Gerald Baramuca, janë nisur nga Farka sot në orën 12:10 në një fluturim stërvitor në përputhje me programin e planifikuar dhe miratuar më parë. Në orën 13:45 ka qenë kontakti i fundit që helikopteri ka pasur me Qendrën e Kontrollit dhe Raportimit në Rinas.
