Vendimi për moratoriumin e gjuetisë me 5 vjet është miratuar në mbledhjen e fundit të Këshillit të Ministrave.
Kështu, të gjithë të apasionuarit pas gjuetisë do t’u duhet edhe 5 vjet pa nxjerrë pushkët e tyre nga shtëpia. Edhe pse pas protestave të shumta të Shoqatës së Gjuetarëve të Shqipërisë është miratuar projektligji i qeverisë.
Nga ana e qeverisë mësohet se e ka ndërmarr këtë hap pasi qëllimi i këtij vendimi është përmirësimi i gjendjes së llojeve të faunës së egër.
Projektligji parashikon gjithashtu se kontratat për mbarështimin e faunës së egër janë të vlefshme, por edhe në zonat ku mbarështohet fauna e egër nuk do të mund të ushtrohet gjuetia.
Shkeljet e këtij ligji, kur nuk do të përbëjnë vepër penale do të përbëjnë kundravajtje administrative dhe do të dënohen me gjobë nga 800 mijë deri në 1 milion lekë.
