Policia zviceriane ka ushtruar një kontroll të mërkurën në zyrat e UEFA. Kontrolli është ushtruar pas të dhënave që dolën për kreun e UEFA , Xhani Infantino. Në 2006 kur Infantino ishte një zyrtar i UEFA i cili ka nënshkruar një kontratë për të drejtat televizive me dy biznesmenë që akuzoheshin për rryshfet nga FBI.
“Kros Treinding”, e zotëruar nga Hugo Jinkis dhe i biri Mariano, i blenë të drejtat e Uefa Champions League në 2006 për 111 mijë dollarë dhe menjëherë i shitën tek një televizion i Ekuadorit, Teleamazonas, për 311 mijë dollarë.
Po ashtu edhe të drejtat e Uefa Super Cup i blenë për 28 mijë dollarë duke i shitur sërish tek Teleamazonas për 126 mijë dollarë.
Deklarata e dalë nga zyra e Prokurorit të Përgjithshëm zviceran flet për një kontroll në zyrat e Uefa për të siguruar të dhëna dhe informacione mbi aferat në fjalë. “Publikimi i materialeve në media nga “Letrat e Pnamasë” na dha një element të fortë për nisje të një hetimi.”- u shpreh ai.
Por Uefa e ka kundërshtuar një lajm të tillë, atë të shitjes korruptive të të drejtave televizive, duke thënë se për ato është bërë nje tender i hapur dhe Infantino është shprehur se është i hapur ndaj hetimit.
