Lidhur me skandalin e të ashtuquajturave “Letrat e Panamasë” ka reaguar dhe avokati, Spartak Ngjela, duke akuzuar deputetin e PD-së, Sali Berisha, se ka lidhje me GFI Technologies, emri i firmës që rezulton për evazion fiskal. “Në fakt skandali i sapo zbuluar i firmës GFI Technologies, që rezulton nga Panama Papers, ka lidhje me koncensionin që i ka dhënë Berisha pas humbjes së zgjedhjeve”, ka thënë Ngjela në një postim në rrejtin e ti social Facebook.
Avokati Ngjela me një sërë pyetjesh në deklaratën e tij për prezencën ditën e nesërme në parlament të Berishës apo jo, thotë se edhe nëse Berisha shkon në seancën plenare do të armatoset me një seri shpifjesh. “Me siguri, nëse flet, do të gënjejë me nivelin gënjheshtar të një adolishenti; prandaj nesër, ose nuk do të dëgjoni gjë, ose do të dëgjoni gënjeshtra dhe akuza infantile. Por, semos është hera e parë! Jo, por këtë herë është në hapat e fundit”, tha shkruar Ngjela.
Ja shkrimi i plotë i Spartak Ngjelës:
Situata në Shqipëri po rëndohet për ditë e më shumë për korrupsionin; sepse rrethi i investigimit po ngushtohet gjithmonë e më tepër. Dhe ja ç’po ndodh se fundi: sot PD vendosi të hyjë nesër në Parlament, “me amendamente”. Ç’ishte kjo kthesë nga këta “njerëz parimorë”? Është për të qeshur por është brenda tmerrit që po përjeton shoqëria shqiptare. Në fakt skandali i sapo zbuluar i firmës GFI Technologies, që rezulton nga Panama Papers, në lidhje me koncensionin që i ka dhënë Berisha pas humbjes së zgjedhjeve, e ka strukur Saliun në bodrumet e marrëzisë së tij, kurse deputetet, po shkojnë në Parlament nesër. Po Saliu do të shkojë? Nëse shkon, a do të flasë? Me siguri, nëse flet, do të gënjejë me nivelin gënjheshtar të një adolishenti; prandaj nesër, ose nuk do të dëgjoni gjë, ose do të dëgjoni gënjeshtra dhe akuza infantile. Por, semos është hera e parë! Jo, por këtë herë është në hapat e fundit.
Ndërkohë, marrim njoftim se Prokuroria ka filliar hetimet. Gadishmëri e madhe. (!) Por e dini pse? Për të fshirë përgjegjësinë e Saliut në këtë aferë që kap shumën prej 150 milionë Euro.Por e kanë të kotë, çeshtjet janë të qepura. Shqiptarët të lodhur dhe të mërzitur, po shohoin sesi iu kanë fluturuar qindra milonë Euro nëpër ofshorët spekulative dhe në bankat e Qipros, nga të zgjedhurit e tyre, që, kur kanë filluar punën e ministrit apo të kryeministrti, kishin vetëm dy palë çorape, tre palë pantallona dhe dy xhaketa. Turp i madh.
Çfarë duhet të bëjnë shqiptarët? Asgje nuk bëjnë dot në këto momente, sepse janë të gjithë këta pushtetarë që kanë forcat politike në dorë dhe, janë “mbjellë nëpër ofshoret”, me paratë e shqiptarëve të varfër.
Megjithatë, ashtu si e shpreha: laku po ngushtohet. Nuk dalin dot. Shpejt do të dëgjoni gjithë tablonë mashtruese që ka mbajtur Shqipërinë dhe shqiptarët në këtë gjendje të mjerë për 20 vjet rresht. E kuptoni që hajduti Sali është një 14 vjeçar që, vidhte gjatë natës, dhe ditën identifikonte si hajdutë kundërshtarët e tij? E kuptoni se me këtë njeri që i ka bërë të gjitha, Shqipëria ka kaluar një gjëmë të vërtetë? Me të vrarë, me të fyer, të poshtruar nga një njeri që ka qënë dhe mbetet të jetë turpi ynë kombëtar.
Ka ardhur fundi. Shqiptarët duhet të jenë të vëmendshëm, se deri tani i kanë lënë të varfër dhe pa atdhe. Po vjen koha që t’u kthehet “atdheu i grabitur” nga vjedhësit që i kanë “qeverisur”, dhe të fillojnë edhe ata jetën normale në Shqipërinë e tyre.
