Futbollisti i famshëm argjentinas Lionel Messi ka reaguar pas skandalit në lidhje me evazionin fiskal ku emri i tij ishte i pranishëm. Familja e tij me një deklaratë për media, mohon akuzat se Messi është i përfshirë në raportet e fundit të cilat e lidhin atë me pastrim të parave.
Ata thonë se të gjitha akuzat kundër tij janë të rreme dhe se ata po e shqyrtojnë mundësinë që të padisin të gjitha mediat që kanë shkruar.
“Lionel Messi nuk ka kryer asnjë aktivitet për të cilin flitet dhe këto janë akuza të rreme, të cilat kanë të bëjnë me evazion fiskal dhe krijimin enjë rrjeti të pastrimit të parave”, thuhet në komunikatën e lëshuar nga familja Messi.
Ata insistojnë se kompania për të cilën është bërë fjalë, Mega Star Enterprises është joaktive e cila kurrë nuk ka pasur fonde në llogari rrjedhëse.