Gjykata e Tiranës ka vendosur të lërë në burg 23-vjeçaren Desara Mançellari, e cila 2 ditë më parë dogji 4 automjete të babait të të dashurit të saj. Trupi gjykues pasi ka dëgjuar palët, ka vendosur masën e sigurisë “Arrest me burg” me akuzën “për shkatërrim prone”.
Në seancën e sotme avokati ka deklaruar se 23-vjeçarja është keqtrajtuar nga ish-i dashuri dhe familjarët e tij.
“Desara është keqtrajtuar nga ish- i dashuri. Është kërcënuar e keqtrajtuar nga familjarët e djalit. I kanë bërë presion që lidhja të mos vazhdojë”, ka thënë avokati i vajzës. Por pavarësisht kësaj, Mançellari është lënë në burg.